Poslovne vijesti - Makedonija

Белгиска компанија за автобуси почнува да гради фабрика во Македонија

Белгиската компанија за производство на автобуси „Ванхол" до крајот на следната недела ќе почне изградба на фабрика во Македонија во која се очекува да се вработат 400 луѓе.

Ова во недела го најави премиерот Никола Груевски по денешната промоција на нови книги во читалната „1.000 книги" во Градскиот трговски центар.

„Македонија повторно ќе стане извозник на автобуси и тоа голем извозник. Првата тура која 'Ванхол' ја има веќе потпишано е за Америка, односно првите 500 автобуси кои ќе се произведат ќе одат за американскиот пазар и ќе бидат производ од Република Македонија", рече Груевски.

Тој додаде дека во македонија има квалификуван кадар за производство на автобуси, со оглед на фактот дека тука порано и се произведуваа автобуси.

„За Ванхол ќе биде добро ова затоа што ќе можат да најдат соодветен кадар, а и некои луѓе од ФАС '11 Окотомври' исто така ќе можат да се најдат повторно на некои работни места кои во животот еднаш веќе ги работеле. Се разбира ова ќе биде добра шанса и за младите високообразовани кадри и за оние со средно образование, така што ќе има работа за сите", рече Груевски.